En Familia é un programa de acollemento familiar para nenas, nenos e adolescentes que, vivindo en centros de protección, non dispoñen de alternativas familiares.
O noso obxectivo é contribuír a mellorar a calidade de vida destas nenas, nenos e adolescentes integrándoos nunha familia estable e protectora.
Que teño que facer para acoller?
Contacta con nós, acompañarémoste no proceso de formación e, logo da valoración, poderás ser familia acolledora. O itinerario é o seguinte:
Infórmate
Sobre o programa, a situación e as necesidades das nenas e nenos en situación de vulnerabilidade.
Fórmate
A formación inicial é obrigatoria e supón 16 horas con profesionais do ámbito psicosocial.
Avalíate
Con axuda de profesionais, descubre a túas ferramentas para acompañar.
Súmate
Forma parte do banco de familias e contribúe a que unha nena ou neno teña unha vida digna.
Nenas, nenos ou adolescentes do sistema de protección que non contan con outra alternativa familiar estable. Habitualmente teñen máis de 7 anos e precisan crecer nunha familia onde desenvolverse en plenitude sentíndose queridas, respectadas e protexidas.
Que tipo de familia buscamos?
Familias interesadas en poñerse á disposición dunha nena, neno ou adolescente para, a través dunha convivencia familiar progresiva e adaptada ás súas necesidades, favorecer o seu adecuado desenvolvemento e contribuír na reparación do seu dano.
Esta web utiliza cookies para que podamos ofrecerche a mellor experiencia de usuario posible. A información das cookies almacénase no teu navegador e realiza funcións tales como recoñecerche cando volves á nosa web ou axudar ao noso equipo para comprender que seccións da web atopas máis interesantes e útiles.
Cookies estrictamente necesarias
As cookies estritamente necesarias ten que activarse sempre para que podamos gardar as túas preferencias de axustes de cookies.
Se desactivas esta cookie non poderemos gardar as túas preferencias. Isto significa que cada vez que visites esta web terás que activar ou desactivar as cookies de novo.
